Martin Vulaj, drejtori i Këshillit të Marrëdhënieve Shqiptaro-Amerikane, i ka kërkuar Kosovës të zgjohet shpejt.

Komenti i tij vjen duke iu referuar bisedës telefonike që pati sot presidenti Donald Trump me homologun e tij rus, Vladimir Putin, për të cilën Trump tha se ka rënë dakord me Putinin për fillim të negociatave për luftën në Ukrainë.

Trump telefonatë me Putinin, njofton se ranë dakord të fillojnë ‘negociatat’ për t’i dhënë fund luftës në Ukrainë

“Ukraina iku. Zgjohu shpejtë Kosovë”, shkruan Vulaj në profilin e tij në Facebook.

Presidenti i Shteteve të Bashkuara, Donald Trump, tha se ka zhvilluar një telefonatë “të gjatë dhe shumë produktive” me homologun e tij rus, Vladimir Putin, dhe se ata kanë rënë dakord që ekipet e tyre të “fillojnë menjëherë negociatat” për t’i dhënë fund luftës në Ukrainë.

“Diskutuam për Ukrainën, Lindjen e Mesme, energjinë, inteligjencën artificiale, fuqinë e dollarit dhe tema të ndryshme të tjera”, tha Trump në një postim në rrjetin e tij social, Truth Social.